|
|
සරසවිය උලෙළේ 2016 හොඳම චිත්‍රපටය 2017 ජනප්‍රිය චිත්‍රපටය දිනූ පිරිස තැනූ උදුම්බරා අද සිට තිරයටජැක්සන් ඇන්තනී ගේ තවත් ප්‍රබල රංගනයක් හිරුණිකා ප්‍රේමචන්ද්‍ර සිනමා තිරයට
ධාවන සුරියක් වීමේ අපේක්ෂාවෙන් සිටින උදුම්බරා නැමැති දැරියක වටා ගෙතී ඇති කතා පුවතකින් සමන්විත මෙහි ජැක්සන් ඇන්තනී, ජනක කුඹුකගේ, ජයනි සේනානායක, සරත් කොතලාවල, හර්ෂි රසාංග, නදීශානි ඇන්ඩර්සන්, රයන් වැන්රෝයන්, කෞශල්‍ය නිර්මාණ ඇතුළු පිරිස රඟපාති. කොළඹ දිස්ත්‍රික් පාර්ලිමේන්තු මන්ත්‍රීනි හිරුණිකා ප්‍රේමචන්ද්‍ර උදුම්බරා සමඟ රංගනයට පිවිසේ. එය එස්. භාරත්වාජ්ගේ කැමරා අධ්‍යක්ෂණයකි. බාබු ඒ ශ්‍රීවාත්සව සංස්කරණ ශිල්පියාය. ධීනා සංගීතයෙන් දායක විය. සරත් සේනාරත්න සහාය අධ්‍යක්ෂවරයාය. සම්පත් වන්නිආරච්චිගේ කලා අධ්‍යක්ෂණයකි. ශර්මිලා ෆොන්සේකා ඇඳුම් නිර්මාණය කොට ඇත. ඉන්දික උදාරලංකාගේ අංගරචනයකි. සුරේන් චන්ද්‍ර නිෂ්පාදන කළමනාකරුය. 2017 වසරේ ජනප්‍රිය චිත්‍රපටයට හිමි සරසවිය සම්මානය දිනූ ධර්ම යුද්ධය හා 2016 වසරේ හොඳම චිත්‍රපටයට හිමි සරසවිය සම්මානය මෝටර් බයිසිකල් මෙන්ම ඒ ලෙවල්, තී, ගෝල් චිත්‍රපට ගෙන ආ සීමාසහිත මහරාජා සමාගම උදුම්බරා නිෂ්පාදනය කොට තිබේ.
කැන්ගරු දේශයෙන් යශෝධරාට සම්මානයක්
මහාචාර්ය සුනිල් ආරියරත්නගේ යශෝධරා සිනමාපටයේ යශෝධරා චරිතය මැවූ පල්ලවි සුභාෂ් ඕස්ට්‍රේලියාවේදී ඇගැයීමට පාත්‍ර විය. ඕස්ට්‍රේලියාවේ සිඩ්නි නුවර පැවති SAFAL සම්මාන රාත්‍රියේදී ඇය මෙලෙස සම්මානයට බඳුන් වූුයේ යශෝධරා චරිතය රංගනය වෙනුවෙන් කළ කැප කිරිම උදෙසාය. ඕස්ට්‍රේලියාවේ රාජ්‍ය මුදල් අමාත්‍ය වික්ටර් ඩොමිනෙලෝ, ඕස්ට්‍රේලියාවේ ලංකා තානාපති ලාල් වික්‍රමතුංග ඇතුළු සම්භාවනීය අමුත්තන් රැසක් මෙම අවස්ථාවට සහභාගී වි සිටියහ. මෙම විශේෂ ඇගයීම පිළිබඳ ඇය වඩාත් සතුටට පත් වන බවත් මෙවන් වූ චරිතයක් ලබාදීම වෙනුවෙන් අධ්‍යක්ෂවරයා ඇතුළු පිරිසට බෙහෙවින් තුති පුදන බවත් පල්ලවී මෙහිදී පවසා සිටියාය. මරාති ජාතික නිළියක වූ ඇය තෙළිඟු, දමිල, මලයාලම් සහ කන්නඩ සිනමාපටයන්හි රංගනයේ යෙදී ඇත. මෙරට ජනතාව අතර පල්ලවීව වඩාත් ජනප්‍රිය අධිරජ ධර්මාශෝක මාලා නාටකයේ ධර්මා හැටියටය.
සුනාමිය ත්‍රිකුණාමලයෙන් කල්පිටියට
ආචාර්ය සෝමරත්න දිසානායකගේ නවතම සිනමාපටය සුනාමි රූපගත කිරීම් කල්පිටිය ආදී ප්‍රදේශයන්හි තවදුරටත් සිදු වන බව සරසවියට වාර්තා විය. මෙහි ත්‍රිකුණාමලයේ රූ ගැන්වීම් පසුගියදා නිමා විය. බිමල් ජයකොඩි, හිමාලි සයුරංගි, දර්ශන් ධර්මරාජ්, නිරංජනී ශන්මුගරාජා, විශ්වජිත් ගුණසේකර, ගිරිරාජ් කෞශල්‍ය, ලලිත් ජනකාන්ත, සරත් චන්ද්‍රසිරි. අනුරුද්ධිකා පාදුක්කගේ, ජේ. යෝගරාජා, රංජනී රාජ්මෝහන්, අශෝක සේරසිංහ සුනාමියට දායක වන නළු නිළියන්ය. රේණුකා බාලසූරිය විසින් සුනාමි නිෂ්පාදනය කරනු ලබයි. කැමරා අධ්‍යක්ෂණය මෙවර සරසවිය සම්මානලාභී විශ්වා බාලසූරියගෙන් වීම විශේෂත්වයකි.
රන්ජන්ගෙන් බොදු බැති ගීයක්
රන්ජන් රාමනායක දක්ෂ නළුවෙකි. එමෙන්ම ජනප්‍රිය සම්මාන දිනාගනිමින් අසමසම වාර්තාවක් ද පිහිටුවා තිබේ. ඔහු ගායකයෙක්ද වන්නේය. රන්සමනළ ජෝඩුව වාගේ ඇතුළු තවත් ගීත ගණනාවක් රන්ජන් ගයා ඇත්තේය. ඔහු පසුගියදා ගීපද රචකයකුද විය. ඔහු පැබැදූ ගීතය ඊයේ 24 දා එළිදැක්විණි. උපතින් කතෝලිකයකු වුවද රන්ජන් එම ගීයෙහි අන්තර්ගතකොට ඇත්තේ සිදුහත් කුමාරයාගේ ජීවිත කතාවය. මෙහි තවත් විශේෂත්වයකි. ඒ එම ගීය ගැයුවේද රන්ජන් වීමය. පැලවත්ත ආසියා ආලෝක මාධ්‍යස්ථානයේදී රන්ජන් ගැයූ එම ගීය එළිදැක්විණ. ලාල් ආනන්ද අබේධීර රන්ජන්ගේ පද මාලාව සඳහා සංගීතය නිර්මාණය කළේය. සහාය ගායනය විශාරද සන්ධ්‍යා බුලත්සිංහගෙනි. මේ රන්ජන්ගේ බුදුගුණ ගීතයේ පදමාලාවයි
මිහිපිට මින් පෙර සිටියද මේ වගේ කුමාරයෙක්රජකම අතහැර වනයේ දුක් විඳි කුමාරයෙක්සියලු සතුන්හට සෙනෙහස දැක්වූ කුමාරයෙක්සිදුහත් අපගේ පීඩිත පන්තියේ කුමාරයෙක්දන්නෙමු කිරුළට පියරජු ගෙලසිඳි කුමාරයන්පියාට හිටුවා පස්ගැසු කාශ්‍යප කුමාරයන්දසමාමාවරු මැරූ ආබා නම් කුමාරයන්පියරජු දෙපතුල් පැලුවා අජසත් කුමාරයන්දුටුවේද කිසිදින මාලිග අතහැරි කුමාරයෙක්යශෝධරා සහ රාහුල අතහැරි කුමාරයෙක්මසවුළු අතහැර පින්ඩපාතේ වැඩි කුමාරයෙක්සඳලුතලෙන් බට නිර්ධන පන්තියේ කුමාරයෙක්යුද්දෙන් මත්වුණු චණ්ඩාශෝක වැනි කුමාරයන්සිහසුන රුධිරෙන් නෑවූ මැක්බත් කුමාරයන්අන්තිම දූෂිත මැකියාවලියේ කුමාරයන්රටවල් ඇල්ලූ මහ අලිසන්දර් කුමාරයන්දෙව්දත් සුමගට ගන්නට තැත් කළ කුමාරයෙක්අංගුලිමාල හරි මඟ පෙන් වූ කුමාරයෙක්කුලමල ආගම් සැමටම පිටු පෑ කුමාරයෙක්ලොව්තුරු බුදු බව පැතුවා සිදුහත් කුමාරයන්බුද්ධං සරණං ගච්ඡාමීධම්මං සරණං ගච්ඡාමීසංඝං සරණං ගච්ඡාමි
|
|
||||||||
|
|
||||||||
සියළුම හිමිකම් ඇවිරිණි |
ධර්ම යුද්ධය සිනමා නිර්මාණයේ සහාය අධ්‍යක්ෂ චමත් රාජ් විසින් අධ්‍යක්ෂණය කළ
උදුම්බරා සිනමාපටය අද සිට (25) සිනමාශාලා රැසක ප්‍රදර්ශනය ආරම්භ වේ.
