|
|
ගී ගායනයෙන් පෙරහැරේ නොදුටු පැතිකඩ ගෙනෙන මංජු ශ්‍රී රන්දෙණිය
මිටි මිනිසුන්ගේ පෙරහැර . . . උස ගිය ඇත්තෝ බොහෝ පින් කළ ඇත්තෝ පිනුම් ගසනවලු - ගිනි එළි කැරකෙනවලු පද - ගාමිණී චන්ද්‍රසේන ගුවන් විදුලියේ ඒ ශ්‍රේණියේ සරල ගී ගායකයකු වන මංජු ශ්‍රී රන්දෙනිය දිගු
නිහඬතාවයකින් පසු නැවතත් ගායන ක්ෂේත්‍රයට පිවිස සිටින්නේ අලුත්ම ගීතයක් සමඟිනි.
ගාමිණී චන්ද්‍රසේන රචනා කොට එච්. එම්. ජයවර්ධන සංගීතවත් කළ කස පුපුරන හඬ ගීතය ගායනා
කරමින් ඔහු මේ දිනවල රසිකයන් අතරට එක්ව සිටී. පෙරහැරේ නොදුටු පැතිකඩක් නමින් නම්
කොට ඇති කස පුපුරන හඬ ගීතය සමඟ මංජු ශ්‍රි තවත් ගීත දෙකක් රසිකයන්ට තිළිණ කොට ඇත.
මහගමසේකර ශූරීන් රචනා කොට රෝහණ වීරසිංහයන් සංගීතවත් කළ ආයෙ කිසිවකු සමඟ නොවේ,
බන්දුල නානායක්කාරවසම් රචනා කොට රෝහණ වීරසිංහ සංගීතවත් කළ ගුවනේ මල් පීදිලා ගීත
ගායනයෙන් මංජු ශ්‍රී රසිකයන් අතරට එක් වී සිටිති. වසර විසි පහක පමණ නිහඬතාවයකින්
යළිත් ගීත ක්ෂේත්‍රයට පැමිණ සිටින මංජු ශ්‍රී 70 දශකයේ ගීත ක්ෂේත්‍රයට එක් වූවෙකි.
වයස අවුරුදු විසි දෙකේදී ගීත ගායනයට ආධුනිකයකු ලෙස එක් වූ මංජු ශ්‍රී 1985 දී ස්වර
සංකල්ප නමින් ඒක පුද්ගල ගී ප්‍රසංගයක් වත්තල පුරහලේදී පවත්වනු ලැබීය. රෝහණ
වීරසිංහයන් සංගීතවත් කළ එම ප්‍රසංගයේ මංජු ශ්‍රී මාලිනී බුලත්සිංහල සමඟ දුවන මුවන්
දැක ගීතය යුග ගායනා කරමින් ඉදිරිපත් කරනු ලැබීය. 1988 දී ප්‍රේමාරාධනා නමින් ගීත
දොළහක කැසට්පටයක් රසිකයන්ට තිළිණ කළ මංජු කිසිදා අධීවේගී ගමනක් අපේක්ෂා නොකළේය.
|
|
||||||||
|
|
||||||||
සියළුම හිමිකම් ඇවිරිණි |
